Shënonte skajin lindor të qytetit të Elbasanit dhe ndodhet ende sot midis parkut “Rinia” dhe udhës automobilistike Elbasan – Korçë.
Dukshëm është fjalë me prejardhje sllave (vojvoda – komandant ushtarak në ish-Mbretërinë e Serbisë).
Nuk dihet saktësisht se si mbeti ky term i huaj në një qytet që nuk kishte kurrfarë lidhje gjeografike apo shpirtërore me mbretërinë e përmendur më lart.
Sidoqoftë, hamendësoj që të ketë mbetur nga “takimi pikërisht në këtë vend i Aqif Pashë Elbasanit me komandantin e ushtrisë serbe, në fundin e nëntorit të vitit 1912.
Elbasani sapo kishte shpallur Pavarësinë më 25 nëntor 1912 dhe ushtria serbe e pushtoi qytetin. Në dukje ushtria gjakatare serbe po ndiqte ushtrinë osmane, e cila po largohej e mundur nga i gjithë Ballkani.
Aqif Pasha i shoqëruar nga një dërgatë elbasanase, arriti kompromisin me drejtuesin ushtarak serb (vojvodën) dhe shmangu furinë mizore tyren, pra, gjakderdhjen e popullsisë së pambrojtur të Elbasanit.”
Të paktën kështu thonë gojëdhanat.
Megjithatë, është i mirëpritur me argumente çdo trajtim tjetër i këtij termi të huaj.
Bukurosh Dylgjeri
Elbasan, Mars 2023
